Este ano non deixamos de celebrar ao día do patrón dos namorados/as despois de ler varios capítulos da novela traducida ao galego de JOJO MOYES, Eu antes de ti e facer unha sesión unha tarde non lectiva da película do mesmo título sobre o libro. Nesta obra consideramos que podiamos traballar tanto o concepto do amor e o namoramento como o do amor imposible, neste caso por razóns de saúde e un suicidio asistido, pero noutras moitas historias por outros motivos. Así mesmo o alumnado de 2º de bacharelato de Humanidades está a leer a traxedia Antígona de Eurípides, outro caso de amor imposible por razóns diferentes: a política, a lei dos homes e a lei dos deuses, o destino e a fatalidade; como o propio alumnado poido dilucidar polas súas clases de Literatura Universal, xermolo de traxedias posteriores como Romeo e Xulieta de W. Shakespeare.

Traballo do alumnado con reflexións da novela contemporánea de Jojo Moyes

 O equipo voluntario de alumnado da biblioteca elaborou modelos de cartas de «amor» de todos os tipos, non so romántico, que distribuíu polas aulas e a sala de profesorado para depositar na caixa postal disposta a tal fin na porta da biblioteca; eles e elas encargáronse de recoller as misivas e facer de «carteiros/as» para levalas aos seus destinatarios/as.

A coordinadora da biblioteca propuso a través dunha aplicación móbil nos cursos de 1º, 2º de bacharelato e 1º de Ciclo Superior de Administración que votasen os versos máis fermosos, emotivos ou evocadores de diferentes autores/as dunha escolma volcada na aplicación de teléfono. 

Os resultados foron imprimidos e colgados nun panel que temos na  biblioteca para que

os versos gañadores foran lidos e discutidos ou simplemente desfrutados polos nosos ususarios/as. Non deixan de sorprender ás veces este alumnado noso, neste caso polo seu bo gusto e bo criterio; así veredes liñas escritas por autores tan dispares como : Benedetti, Lope de Vega, Francisco Añón,    Pablo Neruda, Octavio Paz, Rosalía, Bécquer ou Fernando Esquío.