Nesta 2ª CHARLA MOTIVACIONAL, tocoulle o turno á Familia de Electricidade e Electrónica; neste caso fíxose en «streaming» co noso alumnado de FPB xa que tivemos a gran sorte de que a nosa compañeira do departamento de benestar e docente na Básica, OLAIA,  puido contactar con alumnado tanto galego como catalán que sen dúbida tiña experiencias moi motivadoras e próximas á situacións do alumnado do noso centro

Ahmed Amhaj, 22 anos, desde Hospitalet de Llobregat. Explicou como obtivo o título da ESO. No seu instituto, o Joanot de Martorell, de Esplugues de Llobregat, existía un programa nun traballo conxunto co Concello, denominado Proxecto Exit. A escolaridade compartíase entre o instituto e o Concello, onde as clases eran talleres e sesións máis prácticas. Na charla, explicou como ese foi o seu camiño para poder obter o título, o que o animou a continuar formándose, primeiro cun Ciclo Medio de Electrónica e, unha vez xa traballando, seguiu co Ciclo Superior. Actualmente ten dous traballos, un deles en Augas de Barcelona, cunhas condicións laborais moi boas.

Aquí vos deixamos a ligazón da noticia e os excelentes resultados que obtivo: https://www.elperiodico.com/es/esplugues/20210601/proyecto-exit-facilita-continuidad-academica-11785810

PINCHA AQUÍ PARA VER O VÍDEO DE  AHMED