VIAXANDO POR CIDADES LITERARIAS: de Marineda a Macondo

       1. Xustificación e Obxectivos

    O proxecto levado a cabo co alumnado de 2º FP.BÁSICA DE COCIÑA E RESTAURACIÓN dentro do módulo da Formación Profesional de Comunicación e Ciencias Sociais, busca traballar a competencia lecto-escritora, a creatividade dixital e o traballo colaborativo; ao situar cidades ficticias en mapas reais, os alumnos/as desenvolven unha conexión espacial e cultural coas obras. Tamén buscabamos outras estratexias para traballar este módulo co alumnado da FP. Básica.

• Obxectivos Pedagóxicos:

1. Fomentar o hábito lector mediante a exploración de mundos fantásticos.

2. Desenvolver a competencia dixital a través de ferramentas de IA e mapeo.

3. Mellorar a expresión oral (dicción e entoación) mediante gravacións de audio.

4. Promover o traballo en equipo para lograr un produto final común.

 2. Ferramentas Dixitais 

1. Aplicacións Empregadas: YouArt, Copilot, Nano Banana, AudioTrimmer, Audacity, StoryMaps (ARcGis), MapHub.

2. Funcións no Proxecto: 

• IA Xenerativas de imaxe

• Ambientación visual da cidade literaria e a trama da obra

• Edición de audios

• Cartografía xeográfica dixital

• Liñas espaciais

3. Fases do Proxecto

• Fase 1: Investigación e Selección «O Pasaporte Literario»

Os alumnos/as, divididos en parellas, elixen unha cidade literaria (ex. Macondo, Comala, etc.)

1.  Tarefa: Investigar autor, ano de publicación e unha descrición física da cidade.

2. Produto: Unha ficha técnica básica da obra.

•  Fase 2: Localización no Mundo Real

    Utilizando MapHub, os alumnos deben decidir en que coordenadas reais «encaixaría» a súa cidade de ficción baseándose nas descricións do autor ou na biografía do mesmo (ex. situar Macondo na zona de Aracataca en Colombia).

•  Fase 3: Creación Visual con IA

1.  Uso de ferramentas de IA para dar vida á imaxinación:

2.  Acción: Introducir prompts descritivos en YouArt, Copilot ou Nano Banana 2 para xerar unha imaxe que represente a atmosfera da cidade.

3. Desafío: O alumnado debe axustar o texto (prompt) ata que a imaxe reflicta fielmente o argumento da obra.

•   Fase 4: Paisaxe Sonora e Dicción

1.    Gravación: Os alumnos elixen un parágrafo significativo da obra e grávano con Audacity.

2.  Post-produción: Usan AudioTrimmer para axustar o volume, eliminar silencios innecesarios e asegurar unha dicción clara. Este audio servirá como «audioguía» da cidade literaria.

•   Fase 5: Montaxe en StoryMaps e Timetoast

1. Liña do tempo: En Timetoast, créase unha cronoloxía colectiva de todas as obras tratadas en clase.

2. Integración Final: Envórcanse todos os elementos en StoryMaps. Ao clicar nun punto do mapa, despregarase:

3. Nome da cidade, obra e autor.

4. A imaxe xerada por IA.

5. O reprodutor de audio coa voz do alumno.

6. Unha ligazón á liña de tempo de Timetoast.

4. Metodoloxía para FP Básica

     Para asegurar o éxito en FPB, aplicarase a Aprendizaxe Baseada en Proxectos (ABP) cun enfoque «Learning by doing» (aprender facendo), a través de: 

• Gamificación: O proxecto preséntase como a creación dunha viaxe pola mapa do mundo da man das cidades e dos libros nas que son escenario fundamental.

• Guións: O docente  proporcionará modelos e guións de como se elabora os prompts para a IA en función do que necesitemos para cada tarefa.